Mananaog sa poster making, digital ug mobile photo contest gi-award

  • Whatsapp
Big News Network


MISAMIS ORIENTAL, Abril 15 — Malampuson ang nahitabong indigay sa poster making, digital ug mobile photo taking nga alayon sa tinuig nga selebrasyon sa Women’s Month niadtong bulan sa Marso nga dunay temang – “We Make Change Work for Women; JUANA LABAN SA PANDEMYA: KAYA!”.

Bacaan Lainnya

Giila ang mga mananaog nga mga trabahante sa Kapitolyo Probinsyal atol sa virtual nga pagpakayab sa nasudnong bandila, Abril 12, 2021 adlawng Lunes.

Alang sa Poster Making Contest – 1st place si Emmylou Taruc gikan sa Assistant Provincial Administrator’s Office, 2nd place si Bi Jazz Joverello sa Provincial Cooperative Office, 3rd place sab si Rolan Sanchez sa Provincial Disaster Risk Reduction Management Office ug ang Consolation Awardees nagagikan sa mga buhatan sa Administrator’s, Capitol Band, Tourism, Assessor’s, PPDO, Engineering, ug Library.

Alang sa Photo Contest Mobile Category – 1st place si Kimberly Magdugo sa Provincial Agriculture Office, 2nd place si John Jovie Balolong gikan sa PDRRMO, 3rd place si Iwien Von Borromeo (Nutrition Division Office) ug ang mga Consolidation Awardees nagikan sa mga buhatan sa PGSO, Cooperative, PPDO, PIO, PESO, Library, ug Accounting.

Sa katapusan nga mao ang Photo Contest Digital Category nga bahin, nahimong mananaog isip 1st placer si Kenn Majhone Cabugason gikan sa PDDRMO, 2nd placer si Kurt Jacob Waga sa Tourism Office, ug 3rd placer si John Carlo Quibido gikan sa PAGRO samtang mga entries gikan sa mga buhatan sa PIO, PESO, HRMO, Cooperative, PGSO, ECCD, ug Admin ang mga nahimong consolation winners.

Midawat ang maong mga mananaog og cash prizes nga P5,000 sa 1st place, P3,500 sa 2nd place ug P2,500 sab alang sa 3rd place lakip na niini ang certificate of award matag usa kanila.

Duna sab pito ka mga consolation winners sa matag indigay sa poster making og photo taking nga midawat og tag- P1,000 isip cash prize.

Kabahin lamang kini sa aktibidades nga gipasiugdahan sa Provincial Social Welfare and Development Office (PSWDO) nga gisalmotan sa mga empleyado gikan sa nagkadaiyang mga buhatan sa Kapitolyo Probinsyal.

Makita ug gipang-display sab ang ilang mga obra maestra sa hawanan sulod sa Kapitolyo kon diin dinhi makita ang klase-klaseng disenyo ug anggulo sa mga photos og posters nga tanan nagsunod o misubay sa gabayan sa kasaulogan sa Women’s Month.

Matud sa ulo sa buhatan sa PSWD nga si Jhunleymar Abella ga ang pa-contest lakip sa highlight sa Women’s Month nga unang gisugdan sa Zumba sa One Billion Women Rising song, pagpanghatag sa cash ug livelihood assistance alang sa nagkalain-laing Women federation sa MisOr ug culmination program.

“Among all the entries, they must capture the essential representation and role-play by Filipina amidst CoVid-19 pandemic,” sulti ni Abella.

Laraw sa buhatan nga dili lamang mapakita ang tagsa-tagsa ka mga talento apan sa maong paagi makadala og kalingawan isip recreational activity sa mga empleyado nga luyo sa kasamtangan nga mga pagsulay hatud sa pandemya, wala gihikaw sa amahan sa lalawigan Gobernador Bambi nga malingaw ug mapahalipayan agi og inspirasyon ang tanang frontliners nga tinuoray nga nanerbisyo alang sa lalawigan. (MisOr/PIO)



Source

Pos terkait

Tinggalkan Balasan

Alamat email Anda tidak akan dipublikasikan. Ruas yang wajib ditandai *